На социјалната мрежа X е објавено видео во кое е снимен моментот од експлозија на т.н. воки-токи за време на погреб на борци на Хезболах кои загинаа во вчерашните симултани експлозии на пејџери.
Денес, според првични информации, таргетирани биле воки-токи и слични уреди кои се користат за радио-врска помеѓу членовите на групата.
Либанските медиуми јавуваат дека најмалку три лица се убиени, а над 100 се ранети. Министерството за Здравство пак, вели дека според нивни информации, убиено е едно лице, а ранети над 100.
Бројките се очекува да пораснат во текот на денот.
