Со тешките и катастрофални поплави кои ја погодија Европа се соочува и Полска. Најмалку пет луѓе загинаа како последица на поплавите.
Поради пукањето на браната во близина на границата меѓу Полска и Чешка, наредена е итна евакуација, а драматичните фотографии го обиколија светот.
За време на најголемата бура во последните години, огромни количини на вода зафатија цели градови во текот на викендот, вклучувајќи го и Јесеник, кој целосно исчезна под вода.
<b>Поплавени цели градови</b>
Полскиот премиер Доналд Туск изјави дека подготвил наредба за прогласување природна катастрофа.
Непрестајниот дожд доведе до поплави во областите во близина на границата со Чешка.
Во мал град во Долна Шлезија цели улици беа под вода, а најмалку едно лице загина.
Градот Ниса беше особено погоден во неделата. Поплавите навлегле во одделот за итни случаи на локалната болница, според новинската агенција ПАП.
Со гумени чамци се евакуирани вкупно 33 пациенти, меѓу кои и деца и една трудница.
Се очекува поплавите да стигнат до Вроцлав во среда.
<b>Куче било заробено со часови</b>
Вирална е снимката од германски овчар кој со часови бил заробен на остатоците од урнатиот мост во еден полски град.
Поројната вода го срушил мостот кој се уште беше во изградба, а кучето се сокрило зад бетонските блокови од поплавата.
Откако камерата се вратила на истото место по неколку секунди, кучето го немало, но приказната сепак има среќен крај. Имено, кучето успеало да се задржи на површината, а водата го однела до местото каде граѓаните го спасиле.
<b>Автомобил со две деца го однел поројот</b>
За малку ќе се случеше трагедија во градот Гологлави кога поплава однесе автомобил во кој имало родители со две деца. Фотографиите од социјалните мрежи покажуваат како речиси целиот автомобил завршил под вода која надошла толку брзо што возачот немал време да реагира.
Освен Полска, поплавите зафатија и други делови од Европа. Во Чешка едно лице загина, а седум лица исчезнаа поради поплави. Со тешкотии поради поплавите се борат и Австрија и Романија.
Главниот град на Словачка Братислава и главниот град на Унгарија Будимпешта се подготвуваат за наплив на вода поради зголеменото ниво на Дунав.
