Во сабота, Доналд Трамп пркосно ќе се врати во градот Батлер, Пенсилванија, каде што атентатор се обиде да го убие за време на митингот на кој присуствуваа илјадници негови поддржувачи.
Поранешниот претседател ќе се појави таму заедно со Џеј-Ди Венс, неговиот партнер-кандидат за потпретседател на изборите во ноември, како и членовите на семејството на повредените во нападот на 13 јули, службите за итни случаи, но и технолошкиот могул Илон Маск.
Трамп постојано инсистираше на тоа дека сака да се врати на местото на атентатот. Атентаторот го убиле припадници на тајната служба, но пред тоа убил еден маж, а ранил двајца учесници на митингот.
„Батлер стана доста познато место, сега е како споменик“, рече републиканскиот кандидат на неодамнешниот митинг во Милвоки.
Кампањата на Трамп соопшти дека тој „зел куршум за демократијата“ во Батлер и сега ќе зборува зад заштитното стакло во Батлер.
"Ќе бидеме таму во сабота. Тоа ќе биде навистина голем настан и ќе биде нешто посебно. Ќе го прославиме животот на Кори. Исто така, сакам да им оддадам почит на двајцата господа кои беа тешко ранети. “, рече Трамп во Милвоки.