Овие убиства го зголемија бројот на загинати на островот во Тихиот Океан на 13 од почетокот на кризата, предизвикана од спорната гласачка реформа која беше укината во јуни, пренесува Ројтерс.
Инцидентот се случил во Сан Луи, упориште на движењето за независност јужно од Нумеа, додека полицијата трага по десетина лица осомничени за вмешаност во вооружен грабеж и напади врз безбедносните сили, се вели во соопштението.
Жандармите отвориле оган откако на безбедносните сили им се заканувале група вооружени лица, при што убиле двајца од нив, се додава во соопштението.
ФЛНКС за независност објави дека и двајцата убиени се Канаци.
Канаците стравуваат дека реформата може да го ослабне нивниот глас и да го отежне успехот на секој иден референдум за независност, додека Париз тврди дека мерките биле потребни за унапредување на демократијата со дозволување на повеќе француски жители да гласаат.
Во јуни, претседателот Емануел Макрон го суспендираше планот за реформи, но насилството на територијата, која е главен производител на никел, продолжи.
Насилство има и во Мартиник.
Во меѓувреме, префектот на француската прекуморска територија Мартиник вчера изјави дека вовеле полициски час во текот на ноќта за да го ограничи движењето во одредени населби во Форт-де-Франс и Ламентин поради насилството што го потресе карипскиот остров овој месец.
Полицискиот час ќе трае од 18 до 23 септември, од 21 до 5 часот, а доаѓа во време на протести поради високите трошоци за живот, се вели во соопштението.
Во меѓувреме, новоименуваниот француски премиер Мишел Барние, кој беше назначен на 5 септември по два месеци политички хаос по предвремените парламентарни избори, допрва треба да формира нова влада.
