Разорен земјотрес од 6.1 степени по Рихтер е регистриран во југоисточна Турција, на 46 километри источно од Малатија, која беше уништена во минатогодишниот земјотрес. Земјотресот е регистриран на длабочина од 9 километри.
Агенцијата за справување со катастрофи (АФАД) соопшти дека по земјотресот утринава во Турција се случиле уште 30 земјотреси со магнитуда од 1,2 до 3 степени, но дека во земјотресот нема жртви и повредени, јави денеска Анадолија.
Гувернерот на градот погоден од земјотресот, Седар Јавуз, во соопштение изјави дека неколку згради се тешко оштетени, но дека нема жртви. Според информациите што ги добивме досега нема загинати и повредени, но граѓаните се во паника“, рече тој.
Јавуз рече дека училиштата денеска ќе бидат затворени како мерка на претпазливост.
Градоначалникот на Малатија, Сами Ер изјави дека надлежните служби се на терен и ја истражуваат ситуацијата.
Шефот на одделот за земјотреси во АФАД, Ајкут Акгун, најави дека на терен се распоредени жандармеријата, полицијата и другите служби.
Наведувајќи дека последователните потреси може да продолжат, Акгун ги предупреди граѓаните да не влегуваат во оштетените згради.
„Вкупно 374 пријави се примени во 112 центри за итни повици од земјотресот. Вкупно три згради се оштетени во Малатија, Шанлиурфа и Елазиг. Спасени се четири лица кои се наоѓале во делумно оштетена зграда во Елазиг“, рече тој.
Земјотресот беше почувствуван во девет други провинции.