ОВА Е НОВИОТ ЛИДЕР НА ХАМАС? Активен од дете

Еден од лидерите на Хамас, Калед Мешал е назначен за вршител на должноста лидер на ова милитантно движење по ликвидацијата на Јахја Синвар, јавува либанската телевизија ЛБЦИ, повикувајќи се на свои извори. Машал сега е одговорен за сета комуникација со клучните страни вклучени во преговорите и прашањата за затворениците, пренесува либанската телевизија.

Извори потврдија за ЛБЦИ дека раководството на Хамас ги информирало турските, катарските и египетските власти за смртта на Синвар за време на операцијата во Тел ал Султан.

Покрај тоа, наведуваат дека за убиството на Синвар и неговото влијание врз преговорите и потенцијалниот прекин на огнот разговарале американскиот државен секретар Ентони Блинкен и катарскиот премиер и министер за надворешни работи шеикот Мохамед бин Абдулрахман Ал Тани.

Хамас најави дека по убиството на Синвар, преговорите за размена на заробеници и завршување на војната „ќе стануваат сè потешки и сложени“.

Израелските одбранбени сили (ИДФ) вчера официјално соопштија дека Синвар, за кој се верува дека е организаторот на нападот врз Израел на 7 октомври 2023 година, бил убиен од израелската армија во Појасот Газа.

Роден во 1956 година во Западен Брег, Машал се приклучил на Муслиманското братство на 15-годишна возраст, а подоцна станал основачки член на политичкото биро на Хамас кога било основано во 1987 година.

Инцидентот, кој се случил во Јордан, ескалирал во политичка криза меѓу Јордан и Израел, што на крајот му го спасило животот на Машал кога јорданскиот крал Хусеин побарал противотров за отровот што го користеле израелските агенти.

Машал поминал голем дел од својот живот надвор од Палестина, главно фокусиран на собирање средства за Хамас. По обидот за атентат, тој бил протеран во Катар откако Јордан ја затворил канцеларијата на Хамас во Аман.

Тој исто така поминал осум години во Сирија пред да се раздели со режимот на Асад поради неговиот однос кон сунитските групи.

Во декември 2012 година, Машал ја посетил Газа за прв пат откако имал 11 години. Сепак, тој подоцна се судрил со другите лидери на Хамас околу напорите да се помири со Фатах, палестинското национално ослободително движење, што на крајот довело до негово заминување како шеф на Политичкото биро на Хамас.