Унгарскиот премиер Виктор Орбан <a href="https://www.b92.net/info/svet/58266/nemacka-se-probudila-olafe-dobrodosao-u-klub/vest">изјави</a> дека Германија
конечно се разбудила за да ги види негативните последици од миграцијата.
„Заштитата на границите стана негативен збор во последно
време, бидејќи секој мора да ги пушти мигрантите, а тој што ќе ги спречи е лошиот.
Сега Германија се разбуди: тероризам, криминал, социјално и финансиско
оптоварување на мигрантите кои не сакаат работа, сите тие работи почнуваат да
ги будат Германците“, рече Орбан во интервју за унгарското државно радио.
Орбан со години се противи на миграцијата во Европската
унија, а Германија, која беше повеќе наклонета кон мигрантите, неодамна најави
привремено заострување на контролите на сите нејзини копнени граници за да се
спречи илегалната миграција.
„Дури и канцеларот се разбуди“, рече Орбан и му посака на
германскиот канцелар Олаф Шолц „добредојде во клубот“ затоа што се
залага за заштита на границите, објави „Политико“.
Орбан изјави дека останува само еден чекор за
западноевропските лидери.
„Интелектуално, тоа не е особено тежок (чекор): Ако велат
дека границите мора да се заштитат, тогаш не треба да ги казнуваат оние што ги
штитат“, рече унгарскиот премиер.
Во јуни, Европскиот суд на правдата ја казни Унгарија со 200
милиони евра поради кршење на законите на ЕУ за азил и непроменета политика на
задржување и депортирање мигранти на нејзините граници.
„Брисел ја казнува Унгарија со високи финансиски казни,
бидејќи ние ги штитиме границите, додека другите земји не повикуваат да ги
заштитиме границите, па дури и самите да ги затвориме границите“, рече Орбан.
Тој додаде дека станува збор за „хаос“ и „политички хаос“ и
дека целата Европска комисија и европскиот законодавен дом ја создале таа
ситуација.
Унгарија, како што рече, наместо да биде казнета, треба да
добие финансиска поддршка за заштита на границите.
x`xШефот на кабинетот на Орбан, Ѓерѓељ Гуљас, на 12 септември
изјави дека Будимпешта е подготвена да ја тужи Европската комисија за да ги
надомести трошоците за заштита на надворешната граница на Европската унија, што
ја чинеше околу две милијарди евра.