Јерликаја изјави дека на терен продолжуваат да работат 55 возила, 210 припадници на Агенцијата за справување со катастрофи (АФАД), три беспилотни летала и еден извиднички авион на жандармеријата и полицијата, пренесува НТВ Хабер.
Три згради делумно се урнале во Малатија, Шанлиурфа и Елазиг, а наставата денеска е прекината.
Претходно денеска АФАД соопшти дека по земјотресот утринава во Турција се случиле уште 30 земјотреси со магнитуда од 1,2 до три степени, но дека во земјотресот нема жртви и повредени, јави Анадолија.
Земјотрес со јачина од 5,9 степени според Рихтеровата скала утрово го погоди регионот на источна Турција, со епицентар во близина на Малатија.
Гувернерот на тој град, Седар Јавуз, во изјава навел дека неколку згради се тешко оштетени, но дека нема жртви.
„Според досегашните информации нема загинати или повредени, но граѓаните се во паника“, рече тој.
Земјотресот бил почувствуван и во девет други провинции.