Најмалку 13 лица загинаа во судир на глисер на индиската морнарица и патничкиот ферибот „Нилкамал“ кој превезувал повеќе од 100 лица до популарната туристичка дестинација Островот Слон кај Мумбај, соопшти денеска индиската морнарица и потврди дека 99 патници од траектот се спасени.
Се наведува дека воениот глисер изгубил контрола при пробно возење и тестирање на моторот, пренесува АП.
„Меѓу загинатите има и тројца припадници на индиската морнарица. Туристите се префрлени на поморски и цивилни чамци и се транспортирани до пристаништата и болниците во областа“, се наведува во официјалното соопштение.
BREAKING: Indian Navy boat collides with passenger ferry near Gateway of India in Mumbai, causing the ferry to capsize; at least 13 dead, 101 rescued.
— Breaking News Video (@BreakingAlerter) December 18, 2024
pic.twitter.com/EHJw9hlJ1X
Се додава дека во спасувачката акција биле користени четири хеликоптери и 11 поморски пловни објекти, а спасувачките операции биле извршени во координација со крајбрежната стража и поморската полиција.
Пештерите на островот Слон се дом на древни храмови насликани со сцени од хинду митологијата и се популарна дестинација за туристите кои го посетуваат Мумбаи.
