Во Келн среде ноќ изгорел скап џип БМВ Х6, а се верува дека член на Ангели на пеколот, Еркан А. го запалил возилото за да му се одмазди на новото момче на бившата партнерка.
Работата да биде уште полоша, додека пожарникарите го гаснеле пламенот, под луксузниот теренец забележале неексплодирана рачна бомба.
Специјалисти од Државната криминалистичка полиција (ЛКА) дошле и поставиле вреќи со песок околу БМВ-то кое чини над 100.000 евра за да ја исконтролираат експлозијата. Потоа контролирано ја деактивирале гранатата. Од експлозијата по втор пат се запалил теренецот...
Истрагата покажала дека зад пламенот на луксузниот џип стои рокер кој е во бегство, а наводниот мотив е одмазда за сексуална афера.
Дејвид К. од Херт е осомничен дека започнал врска со бившата партнерка на озлогласениот рокер Еркан А.(37) од Ангели на пеколот. Рокерот е во бегство од 2015 година поради убиство во Келн и се верува дека моментално е во Турција. Се зборува дека толку многу се налутил поради новата афера на бившата што како „компензација“ побарал 100.000 евра од Дејвид К.
Се верува дека претходно најмил мажи кои прво испукале неколку истрели во семејната куќа на Дејвид како предупредување, а потоа и во зградата каде што живее.
Бидејќи Дејвид наводно не му ги платил 100.000 евра што ги барал Еркан, Еркан наредил да се уништи „БМВ-то“. Но, се покажало дека БМВ-то не е на Дејвид, туку на неговиот пријател, а овој само одвреме-навреме го возел.
„Двете престрелки ги оценуваме како обид за убиство. Не е исклучено во се да е вмешан рокерот. Во моментов проверуваме дали има поврзаност меѓу пукањето во куќите и пронајдената рачна бомба“, изјави висок јавен обвинител на Келн. Улрих Бремер, пренесува Билд.