Хаос избувна во неделата во близина на оградата што ги дели Мароко и Сеута, шпанска енклава лоцирана на брегот на оваа африканска земја, додека стотици, ако не и илјадници млади Мароканци го координираа обидот за илегално преминување на границата, во сцени <a href="https://www.jutarnji.hr/vijesti/svijet/nezapamceni-prizori-iz-spanjolske-u-pitanju-su-tisuce-ljudi-sve-je-u-detalje-dogovoreno-preko-drustvenih-mreza-dolazimo-opet-15503014">невидени</a> дури и во делов од Европа каде што ваквите акции се чести.
На видеото објавено на интернет се гледа како мигрантите трчаат преку врвот на ридот низ пограничниот град Фнидек, мароканскиот град најблиску до шпанската ексклава.
Мароканските безбедносни службеници биле принудени да создадат човечка бариера за да ги спречат мигрантите да стигнат до оградата од бодликава жица што ги дели од Шпанија. Полицијата потоа испукала куршуми во воздух во обид да ја растера толпата.
Групи мигранти беа фатени и во обид да пливаат на плажите Кастиљехос и Белионес, каде беше пронајдено тело на Мароканец. Акциите се масовни.
Мароканските власти соопштија дека ги спречиле мигрантите да влезат во Шпанија, но не кажаа колку луѓе се приведени.
Две шпански енклави на медитеранскиот брег на Мароко, Сеута и Мелила, ги делат единствените копнени граници на Европската унија со Африка. Ова значи дека автономните градови доживуваат спорадични бранови на илегални миграциски премини.