Учесниците на состанокот потврдиле дека Макрон изјавил дека „Господинот Нетанјаху не смее да заборави дека неговата земја е создадена со одлука на ОН“. Макрон мислел на гласањето на Генералното собрание во ноември 1947 година, со кое заврши британскиот мандат над Палестина и се подели земјата на еврејска и арапска држава.
Изјавата на Макрон предизвика лута реакција кај Бенјамин Нетанјаху. Израелскиот премиер нагласи дека неговата земја е основана од луѓе кои го преживеале Холокаустот, вклучително и во Виши, Франција. Макрон синоќа во Брисел се обиде да ја смири полемиката критикувајќи ја француската влада и новинарите, пишува Politico.
„Министрите мора да ги почитуваат правилата и да бидат етички и да не споделуваат коментари кои се скратени, лажни или извадени од контекст“, рече Макрон. Францускиот претседател истакна дека бил „запрепастен кога ги читал приказните“ за она што тој наводно го рекол.
„Доволно зборувам за ситуацијата на Блискиот Исток и не ми требаат толкувачи“, додаде тој. Француската влада е предводена од конзервативниот премиер Мишел Барние, а вклучува министри од центристичкиот табор на Макрон, како и од централнодесничарската партија Les Républicains.
Тензиите меѓу Макрон и Нетанјаху се зголемија откако Израел започна копнена операција во јужен Либан, земја со долги историски врски со Франција. Франција се обиде да посредува за 21-дневен прекин на огнот меѓу Израел и Хезболах минатиот месец.
