Во рок од четири дена, Либан претрпе три смртоносни и
невидени напади во кои загинаа најмалку 49 лица, а други 2.997 беа повредени,
<a href="https://www.middleeastmonitor.com/20240920-timeline-lebanon-suffers-3-deadly-attacks-in-4-days/">пишува</a> MiddleEastMonitor.
Во вторникот и средата, низа експлозии во кои беа вклучени уреди за безжична комуникација, вклучително пејџери и двонасочни радија, користени од групата Хезболах се случија низ Либан, додека, во петокот, смртоносниот воздушен напад на подрачјето на јужното предградие на Бејрут сериозно оштети згради и загинаа повеќе од десетина луѓе.
Либанската влада и Хезболах го обвинуваат Израел за нападите. Хезболах вети одмазда, дури и нивниот лидер Хасан Насрала вети дека ќе ги претвори акциите на Израел во „пекол“.
<b>(1) Експлозии на мобилни уреди – 17 септември</b>
Во вторникот, илјадници уреди за комуникација (пејџери), главно користени од Хезболах за безжична комуникација, истовремено експлодираа низ Либан.
Според податоците на либанското Министерство за здравство, загинаа 12 лица, а други 2.323 се повредени.
Неколку медиумски извештаи сугерираат дека причината за експлозиите биле експлозиви вградени во уредите пред да стигнат во Либан.
<b>(2) Експлозии на воки-токи – 18 септември</b>
Еден ден подоцна, во средата, илјадници воки-токи единици на Icom што ги користел Хезболах истовремено експлодираа низ Либан.
Во експлозиите загинаа повеќе 25, а повредени се 608 други, според Министерството за здравство.
Причината за овие експлозии била слична на онаа на пејџерите бидејќи тие биле вградени и во воки-токите.
Хезболах и либанското обезбедување соопштија дека ги истражуваат двата инцидента.
<b>(3) Израелски воздушен напад врз јужен Бејрут – 20 септември</b>
Во израелски воздушен напад во петокот загинаа најмалку 14 лица во јужен Бејрут, а повредени се 66 други, од кои осум се во критична состојба, според либанското Министерство за здравство.
Израелската армија тврдеше дека го гаѓала и убила Ибрахим Акил, врвен воен командант на Хезболах. Хезболах се уште не го прокоментира воздушниот напад.
Трите смртоносни напади се случија во време на ескалација на прекуграничната размена помеѓу Израел и Либан која започна после инвазијата на израелската војска во Појасот Газа како одговор на упадот на Хамас на израелско тло на 7 октомври минатата година.
