-Целосно ја разбираме чувствителноста на ова прашање и иако инцидентот беше ненамерен, ние искрено жалиме за тоа, напиша шефот на асоцијацијата на ФИФА, Елхан Мамадов, во писмото објавено од Фудбалската федерација на Украина.
Украина беше една од 54-те репрезентации вклучени во петочната ждрепка во Цирих за европските квалификациски групи за Светското првенство во 2026 година.
Крим, полуостров незаконски окупиран од Русија во 2014 година, не беше обоен како дел од украинската територија на графичкиот пренос за време на ждрепката во седиштето на ФИФА.
„ФИФА, дали сте во ред?“, праша портпаролот на украинската влада, Георгиј Тихи, на социјалната мрежа Х по ждрепката и додаде „очекуваме јавно извинување“.
Мамадов изјави дека мапата ја обезбедил надворешен соработник и дека ФИФА размислува како „да се осигура дека таквите превиди нема да се повторат во иднина“.
Поради агресијата врз Украина во февруари 2022 година, ФИФА и забрани на Русија да учествува на меѓународни натпревари. /МИА
