Керин Ален рече дека не требало многу време за патниците да забележат дека нешто не е во ред со авионот, кој летал од Солт Лејк Сити до Портланд.
„Го погледнав мојот сопруг, тој ги имаше рацете врз ушите и некако беше наведнат напред“, рече Ален.
Набрзо сфатила дека не се единствените кои страдале во авионот.
„Погледнав зад мене, имаше човек со крв што му бликаше од носот, луѓето се обидуваа да му помогнат“, рече таа.
Друга патничка, Џејси Пурсер, рече дека се чувствувала како некој да ѝ става ножеви во увото. Чувствувала како и пукна увото од притисокот во кабината, а потоа почувствувала меурчиња.
„Го допрев увото и видов крв на раката“, додала таа.
Патниците изјавиле за ТВ КСЛ дека почувствувале како авионот се спушта и погледнале низ прозорците за да видат како кружи по Големото Солено Езеро.
„Конечно објавија дека се враќаме на аеродромот, но се уште не кажаа зошто“, додаде Ален.
Во писмената изјава, „Делта ер лајнс“ соопшти дека Боингот 737-900 имал проблеми со притисокот, но не објасниле што го предизвикало проблемот.
Авионот слетал во 8 часот и 30 минути, а болничарите ги чекале повредените.
Помош од лекар побарале вкупно 10 лица.
Delta Airlines said 10 people were evaluated or treated by paramedics after a flight experienced a pressurization error Sunday. Passengers spoke with KSL TV about their symptoms, including bloody noses and bleeding ears.
— KSL 5 TV (@KSL5TV) September 17, 2024
READ THE LATEST: https://t.co/BtQUjFIxOz pic.twitter.com/RojTWZ3Rjb
Парсер рече дека авиокомпанијата платила за патувањето на Лифт до болницата.
„Тие рекоа, ако крвариш, би ти препорачале да одиш во болница“, додаде таа.
Констатирано е дека имала пукнато тапанче. Таа рече дека болничарите ѝ дале капки со антибиотици за да спречи инфекција, стероиди, деконгестиви и спреј за нос.
Федералната управа за авијација соопшти дека ќе го истражи инцидентот.
