Падот на хеликоптерот, во кој во мај загина иранскиот претседател Ебрахим Раиси, првенствено е предизвикан од лошите временски услови, вклучително и густата магла, покажува конечниот резултат од истрагата за инцидентот, објави иранската државна телевизија.
Во извештајот, кој беше објавен по истрага на високата воена комисија, се вели дека густата магла предизвикала пад на хеликоптерот во планинска област, објави Ројтерс.
Според прелиминарната истрага што ја спроведе иранската војска во мај, не се пронајдени докази дека хеликоптерот се урнал поради можен напад.
Раиси загина кога неговиот хеликоптер се урна во мај во планински регион во северозападен Иран во близина на границата со Азербејџан.
Убиени се уште седум лица, меѓу кои и иранскиот министер за надворешни работи Хосеин Амир-Абдолахиан.