Спроведувачите на воената регрутација на Украина извршија голема рација на рок концерт во Киев, приведувајќи неколку мажи за кои се верува дека избегнувале да се пријават за фронт.
Во операцијата биле вклучени над 50 полицајци, кои ги проверувале документите на мажите присутни на концертот. Според локалните медиуми, меѓу уапсените има и луѓе за кои се покажало дека не се јавиле за служење во војска, но и такви кои одбиле да покажат лични документи.
Оваа пролет, соочени со недостиг на војници, зголемени загуби и воени неуспеси во конфликтот со Русија, Киев ја намали старосната граница од 27 на 25 години и значително ги заостри правилата за мобилизација, обврзувајќи ги потенцијалните регрути да се пријават во канцелариите за регрутирање за "валидација на податоци," што често значи експресен пат до фронтот.
Повеќе видеа се појавија на социјалните мрежи во последниве месеци, на кои се прикажани регрути како се обидуваат да грабнат луѓе на улиците, спортските сали и трговските центри.
"Тајмс" минатата недела објави дека „напорите за зајакнување на регрутирањето стануваат сè попринудни и насилни" во Украина, но се чини дека тие сè уште се недоволни за да се постигне целта на Киев за регрутирање дополнителни 200.000 војници до крајот на годината.