Врховниот лидер на Иран ненадејно се појави во јавноста, откако некои светски медиуми објавија дека се засолнил на безбедно, откако наредил масовни воздушни напади врз Израел.
Ајатолахот Али Хамнеи денеска се сретна со студенти и научници во своето прво јавно појавување откако нареди ракетен напад врз Израел.
Во таа прилика тој ги обвини „САД и некои европски земји“ кои „лажно тврдат дека носат мир и спокојство во регионот“ за ескалација на конфликтот во регионот.
Тој порача дека тие земји мора да се „изгубат“ од регионот за да можат во мир земјите кои навистина припаѓаат на тој простор.
Тој исто така рече дека жали за смртта на лидерот на Хезболах Хасан Насрала, но сепак не ги одложи своите состаноци бидејќи, како што рече, иранската жалост е „оживувачка и движечка“ сила. „Да се биде во жалост не значи да се биде депресивен и да се седи во ќош“, рече тој.