<span lang="MK" style="mso-ansi-language:MK">На денешното
рочиште за двојното убиство на Вања Ѓорчевска и панче Жежовски сведочеа лица од
полицијата. Ристе Самарџиев, поранешен началник на СВР Велес вели дека имал
единствено комуникација со Велибор Манев, кој им покажал каде било закопано
телото на Панче Жежовски. </span>
<span lang="MK" style="mso-ansi-language:MK">Претходно
Самарџиев забележал дека возилото на Панче е излезено од Велес, но не ни
претпоставувал дека тој е убиен.</span>
<span lang="MK" style="mso-ansi-language:MK">„По пријателска
врска со А1 операторот, така го пронајдовме телефонот, неофицијално дознавме
како зрачи телефонот. Потоа баравме и листинзи. Тоа го направивме за побрзо
пронаоѓање на лица. И ќерката на Панче имаше пристап до „Гугл“ акаунтот на
Панче. Телефонот беше активен, но никој не одговараше. Го имавме бројот и
гледавме каде зрачи телефонот, гледавме дека е во близина на бензинската пумпа
Макпетрол. Испративме телеграма до сите СВР ако е најдено возилото или лицето
да биде запрено и да бидеме известени. Баравме камери од патишта, патарини,
објекти… Проверивме и дали ја напуштил државата. Телефонот беше пронајден во
дол, во капини од две-три метри. По два дена го пронајдовме телефонот на Панче,
во меѓувреме заврна и снег. Мораше да интервенира и општински работници за да
исчистат. Ние ги користиме пријателските врски за побрза постапка“, рече
Самарџиев и додаде:</span>
<span lang="MK" style="mso-ansi-language:MK">„На патарините
има 6 камери, 6 инспектори гледавме, на 21-ви се појавува возилото на
бензинската пумпа Лукоил, на бензинската пумпа Макпетрол не го гледаме.
Отидовме лично да видиме во „Сејф сити“ и тогаш првпат гледам дека возилото е
излезено од Велес. Тоа е стар систем и не се гледа најдобро. Ние во тој момент
мислевме дека е жив човекот. Подоцна во скопскиот регион го најдовме возилото
запалено, и сигурни бевме дека лицето е уапсено. Во хотел Романтик одземавме
снимки и таму се гледаат како се движат две возила. Јас единствено имав контакт
со Велибор Манев. Тој нѝ го посочи местото. Прво нѝ кажа дека тие се виновници
за убиството на Вања и местото каде е закопана Вања. Потоа нѝ го покажа местото
каде е закопано телото на Панче. Тој нѝ кажуваше каде да се движиме. Дупката
ако не ви ја посочи некој, нема шанси да ја најдете. Нѝ откри дека Палчо пукал.
Викнавме пожарна кои нѝ помогнаа да го извадиме телото. Дупката беше голема 2-3
метри“, изјави Самарџиев.</span>
