Преку Еуростандард ПРЕФРЛАНИ ПАРИ ВО ТУРЦИЈА - Истрагата за случајот Крмзов СЕ ШИРИ

Обвинителство за гонење организиран криминал и корупција соопшти дека издале наредби за претреси на домови и други простории на повеќе локации во повеќе градови. Запленета е масивна документација, како и електронски записи кои ќе се анализираат.

Се споменува дека при акцијата се пронајдени милионски суми на кеш-пари, но и дијаманти.

Неплатен данок во милиони евра, лажен поврат на ДДВ во милиони евра, пронајдени дијаманти, префрлани пари во Турција, организирана шема на продавање на македонски фирми на непостоечки косовски државјани заради перење пари, неплатени царини, празни магацини во кои според документација требало да има милионски вредна стока, сомневање дека во целата шема се вмешани раководители во УЈП и во Царинската управа, камиони полни со документи. Ова се само дел од досегашните сознанија на големата акција на полицијата и на обвинителството за даночни измами и даночно затајување.

Дел од парите на Еуростандард банка се префрлани во Турција. Над 8 милиони евра се префрлани на сметки во Турција покажува истрагата на надлежните органи околу случајот на Крмзов, пренесоа медиумите.

Истрагата се шири на повеќе струмички компании кои биле дел од шемата на струмичкиот бизнисмен за злоупотреба на парите. Биле подигани пари од Еуростандард банка, а тие биле префрлани на сметки во Турција.

Семејството Крмзов имало веројатно спрега и со Јавното Обвинителство чии предмети од поранешен сомнеж за криминал веројатно биле чувани во фиока. Ако не било така, упатените коментираат дека и немало да дојде до милионската штета во Еуростандард Банка.

Воедно истрагата ја вклучува и Царинската управа каде за еден камион увезена роба се плаќало царина од само 1500 евра, а за истата роба во последниот период по смена на раководството на царинска управа се плаќало дури за 15 пати повисоки давачки, што значи дека разликата се губела во нечии џебови. Фрапантно е како директорите на УЈП Лукареска, директорите на Централен Регистар и тогаш на Царинската управа останале слепи на ваквиот криминал, затоа за очекување е предистрагата да ги вклучи и овие лица во случајот.

Се повеќе луѓе почнуваат да зборуваат и случајот се шири и до компании кои стигаат до семејството на поранешниот премиер Зоран Заев.