„Ќе продолжам да работам во интерес на граѓаните, ДА БИДАТ ЗАЧУВАНИ ДОСТОИНСТВОТО И ДА НЕ БИДАТ ПОНИЖЕНИ“

Реформите кои ги спроведуваме во областите на правосудството, борбата против корупцијата, економскиот развој и зајакнување на институциите се клучни за нашата иднина. Овие промени не се само услов за членство во ЕУ туку се неопходни за подобрување на животниот стандард на сите граѓани, изјави премиерот Христијан Мицкоски на прес конференцијата со претседателката на Европската Комисија, Урсула фон дер Лајен.

Премиерот додава дека ЕУ заедно со нас треба да најде начини како да се продолжи европскиот пат

„Очекуваме Европската унија заедно со нас да помогне начини како да го продолжиме нашиот европски интегративен пат истовремено уважувајќи ги легитимните ставови на нашите граѓани дека во иднина нема да се соочуваме со барања кои се во спротивност со идеите и вредностите на кои почива самата Европска унија“, вели Мицкоски

„Нашата средба беше од исклучителна важност за иднината и за натамошното динамизирање на европските интеграции кој се врвен стратешки интерес, приоритет и цел за регионот на западен Балкан. Остануваме цврсто посветени како Влада на својот пат кон полноправно членство во ЕУ. Нашата визија е јасна, сакаме да бидеме дел од европското семејство споделувајќи ги истите вредности на демократија, владеење на право и почитување на човековите права“, вели Мицкоски.

Мицкоски додаде дека потребно е да работиме напорно за да работиме да дојдеме до целта, таа е регионот и ние бидеме дел од европското семејство.

Ние како влада ќе продолжиме и понатаму да ги споделуваме европските вредности, ќе направиме се што е потребно од наша страна да ја добилижиме ЕУ до граѓаните, што преставува наша задача и желба, бидејќи повеќе од 75% од граѓаните иднината ја гледаат како дел од ЕУ, рече тој запрашан за уставните измени и додаде

Јас како прв човек на владата ќе продолжам да работам исклучиво во интерес на граѓаните и тоа што за нив претставува прв  приоритет, а тоа е истовремено да живеат подобро, да владее правото, да се постигнуваат реформи, европските  вредности да бидат наше секојдневие, но истовремено да бидат зачувани гордоста, достоинството, да не бидат понижени и да не бидат поразени,истакна премиерот.

Премиерот Мицкоски посочи дека ако направиме убава синергија на сето ова ќе дојдеме до конечната цел да бидеме дел од ЕУ