<span lang="MK" style="mso-ansi-language:MK">МАНУ од самото
нејзино формирање е мултиетничка установа, во неа има членови од различни
етнички заедници и има капацитет да апсорбира членови независно од етничката
припадност. </span>
<span lang="MK" style="mso-ansi-language:MK">Ова го изјави
академик Владо Камбовски од МАНУ за Телма, потенцирајќи дека научно друштво
секој може да формира, Академија како национална установа е друго прашање. </span>
<span lang="MK" style="mso-ansi-language:MK">Тој вели дека формирање
Национална академија на еднонационална основа може да доведе до поделби и
конфликти на научната заедница, како и до појава и на други еднонационални
академии – српска, бугарска или некоја друга. </span>
<span lang="MK" style="mso-ansi-language:MK">Сепак, додава
дека научни друштва или институти се возможни и веќе имаме такви примери. </span>
<span lang="MK" style="mso-ansi-language:MK">Македонската
академија на науките и уметностите објаснува дека во Македонија, како и секаде
во светот, постои само една национална академија која ја претставува државата.
Во нашата Академија има членови од сите етнички заедници, а во последната
декада има четири члена од албанската заедница. „МАНУ е отворена за сите
граѓани кои ги исполнуваат високите научни и уметнички критериуми за членство
во неа, независно од етничката, верската или од некоја друга припадност“, е
ставот што го соопшти во јули годинава.</span>