<span lang="MK" style="mso-ansi-language:MK">Цените на становите
растат, а интересот не стивнува, се повеќе се гради, а кој купува никому е му е
јасно, иако податоците од пописот покажаа дека има огромен број на празни
станови. </span>
<span lang="MK" style="mso-ansi-language:MK">Темпото на
поскапување е успорено но и во третиот квартал цените на становите во земјава
поскапеле. Последните податоци од Народна банка откриваат дека во третиот
квартал цените на недвижнините се зголемиле за осум проценти. Ова е малку
помало поскапување во споредба со вториот квартал, или она што се случуваше
претходните години, но сепак зачудува што повторно имаме раст на цените на
имотите.</span>
<span lang="MK" style="mso-ansi-language:MK">Во вториот
квартал оваа година го имавме најголемото поскапување, кога цените на
недвижнините пораснаа за 11 проценти. Првиот квартал цените се зголемија за
само 4,6 проценти, но од вториот квартал повторно има голем раст на цените на
недвижнините.</span>
<span lang="MK" style="mso-ansi-language:MK">Сопственик на
една агенција за недвижнини во главниот град вели дека побарувачката е
задоволителна, и не забележуваат знаци за намалување.</span>
<span lang="MK" style="mso-ansi-language:MK">-<span style="mso-spacerun:yes"> </span>Побарувачката е голема. Малите станови се
продаваат веднаш, додека поголемите може да почекаат некој месец. Но, сепак,
нема стан кој стои подолг период непродаден, затоа не очекувам намалување на
цените. Можеби цените се превисоки, особено ако се земе предвид дека има
станови кои се продаваат по цени над 2.200 евра, но, и тие се продаваат, поради
што не очекувам трендот да се промени. Може ќе почнат да стагнираат, но
намалување на цените не очекувам – вели соговорник за Фактор.</span>