Тажна вест пристигна денеска.
Познатиот актер Рон Хејл почина на 78-годишна возраст.
Се прослави во култната серија „Општа болница“, која влезе во Гинисовата книга на рекорди како најдолга американска сапуница и како втора најдолга телевизиска драма во историјата на американската телевизија.
Рон Хејл глумеше и во серијата на ABC „Ryan's Hope“, од првата до последната епизода, а потоа во „General Hospital“ доби улога која ја одбележа и неговата кариера.
Причината за смртта се уште не е утврдена, оваа холивудска ѕвезда почина на 27 август, но дури сега дознавме за оваа тажна вест која ја пренесоа бројни светски медиуми, како „Дејли мејл“, „Пипл“ , „Варајети“, „Холивуд репортер“ и многу други.
„Целото семејство од “Општа болница“ е тажно поради смртта на Рон Хејл. Би сакале да испратиме сочувство до неговите најблиски во овој тежок момент. Тој беше неверојатен актер и незаборавен колега. Нека почива во мир“, се наведува на X мрежата.
Познатиот актер глумеше во „Ryan's Hope“ од 1975 до 1989 година, потоа беше дел од актерската екипа на „General Hospital“ од 1995 до 2010 година и глумеше во „Port Charles“ од 1997 до 2000 година, според People.
Тој присуствуваше на Универзитетот Фурман, а пред да се појави на малите екрани, глумеше во театар. Играше и во филмот „All The President's Men“ и во драмата "Trial by Jury".
Двапати беше номиниран за наградата Еми за улогата во „Надежта на Рајан“, во 1979 и 1980 година, пренесува <a href="https://zena.blic.rs/puls-poznatih/umro-glumac-ron-hejl-zvezda-serije-general-hospital/s4svwtt">Блиц жена.</a>
Фото: принтскрин/youtube/