Во текот на ноќта, YouTube и YouTube Music отстранија некои од најпопуларните песни, вклучувајќи хитови од изведувачи како Адел, Нирвана, Кање Вест и Бритни Спирс, за корисниците во Соединетите Американски Држави.
Корисниците кои се обидуваат да ги пуштат овие песни сега ја гледаат пораката: „Видеото не е достапно. Оваа содржина припаѓа на SESAC и не е достапна во вашата земја“.
Овој проблем се појави поради несогласувањата помеѓу YouTube и SESAC, организацијата која дава лиценци за јавни изведби на песни за многу уметници. SESAC, кој претставува над 15.000 текстописци и издавачи, моментално лиценцира повеќе од 1,5 милиони песни. Бидејќи двете страни не можат да постигнат нов договор, YouTube привремено ја отстрани целата содржина лиценцирана преку SESAC за корисниците во САД.
YouTube соопшти дека е во преговори со SESAC и се надеваат на брзо решение што ќе овозможи враќање на отстранетите песни. Сè уште не е јасно кога музиката ќе биде повторно достапна, ниту кои песни се вклучени во ова отстранување. Некои содржини, како спотот за „Power“ на Кање Вест, сè уште се достапни, додека други песни се целосно блокирани.