Актерот Џек Мерил, познат по улогите во популарните серии „Вовед во анатомија“ и „Закон и ред“, зборуваше за своето ужасно и тешко искуство со озлогласениот американски сериски убиец Џон Вејн Гејси.
Според неговите зборови, кога имал само 19 години, се враќал дома по пливање, а во еден момент до него застанал автомобил и маж му понудил да се вози.
Возачот бил Гејси, кој подоцна бил познат како „кловн-убиец“, бидејќи работел како кловн пред да биде откриен.
Мерил се присеќа дека Гејси му наредил да ја заклучи вратата од автомобилот затоа што е „опасно таму“, а потоа го успал со течност која била испрскана на марамче.
<b>„Да се борев, ќе бев мртов“</b>
Мерил наводно дошол при себе кога стигнале пред куќата на Џон, но не можел да се одбрани. Серискиот убиец го внел внатре, а набргу потоа почнал сексуално да го злоставува.
"Знаев дека ако се обидам да се борам со него, немам шанси. Не полудев, ниту викав или врескав. Да се борев со него, ќе бев мртов", објаснил Мерил за магазинот People.
"И јас го сожалив на некој начин. Изгледаше како да не сака да го прави тоа што го прави, но не можеше да престане. Бевме таму со часови", рекол актерот.
Мерил раскажал дека после тоа Гејси го оставил на улица и му го дал својот број пред да замине. Актерот решил да не оди во полиција, иако, како што вели, тогаш бил свесен дека се работи за сериски убиец.
Тој решил дека „ќе стисне заби и ќе се справи со тоа“ и дека ништо нема да спомне на родителите, но се доверил на сестра му.
<b>„Тоа е грда приказна, но моја е“</b>
Објаснувајќи зошто решил да го сподели своето искуство, Мерил откри дека напишал сценарио за серијата наречена „The Save“ за да ја сподели својата приказна. Тој откри и дека претходно се срамел од тоа што се случило.
Еден холивудски режисер го прашал: „Дали по тоа сакаш да те паметат?“
"Тоа ме спречи во тоа време, но потоа сфатив дека тоа е мојата приказна. Можеби е грдо, но е моја", заклучи Мерил.
Серискиот убиец беше погубен во 1994 година. Гејси во периодот меѓу 1972 и 1978 година убил 34 млади мажи и момчиња, а телата на повеќето од нив ги закопал во подрумот на својата куќа.
Тој беше обвинет за неговите злосторства во 1980 година и егзекутиран 14 години подоцна.
