Откако таа присуствувала на еден од неговите концерти, Принс ѝ испратил - порака. "Знаеш како децата го прават тоа? Дали ти се допаѓам? Да? Не? Реков да, на крајот на краиштата бев на неговиот концерт", се сеќава 58-годишната актерка за време на неодамнешното појавување на Џими Кимел Лајв.
Принс, кој почина пред осум години, еднаш ѝ испратил уште една порака.
„Потоа пристигна уште едно парче хартија на кое пишуваше „Ќе излезеш ли со мене?“, продолжи актерката. Сепак, таа не одговорила на тоа прашање. Таа не објаснила зошто, но истакнала дека ја изгубила вербата во мажите сѐ додека не го запознала колегата Пирс Броснан.
„Тој засекогаш ќе биде мојот Бонд, засекогаш“, изјавила оскаровката. "Јас сум обожавателка на Пирс Броснан. Тој ми ја врати вербата во мажите кога работевме на тој филм. Мислам дека нема човек кој е поголем господин од Пирс Броснан", изјавила актерката претходно, потсетувајќи се на снимање на акциониот трилер Умри друг ден од 2002 година.
„Бонд не беше на мојата листа на желби, не, не сакав да бидам во некој од тие филмови, но отсекогаш сум ги сакала“, продолжи таа. „Откако се појавив во тој филм, се чувствувам како да сум станала дел од филмската историја... Тие филмови се легендарни. Засекогаш ќе бидат дел од нашата историја и се чувствувам почестена што имав можност да глумам во еден, особено покрај Пирс“, додаде таа.
Инаку, Хали Бери се разведе од актерот Оливие Мартинез минатата година.
Тие беа во брак од 2013 до 2015 година, кога објавија дека раскинуваат, но официјално се разведоа дури во август минатата година.
Поранешниот пар се запознал на снимањето на Dark Tide во 2010 година. Тие се вериле две години по средбата, а нивниот син се родил три месеци по венчавката. Покрај Мејс, актерката ја има и ќерката Нала со канадско-францускиот модел Габриел Обри. Бери сега е во врска со музичарот Ван Хант.
