Познатиот Елтон Џон и неговиот сопруг Дејвид Фурниш живеат хармоничен живот со синовите Захари (13) и Илаја (11). Заедно се три децении, а децата добија со помош на сурогат мајка.
Елтон Џон често зборува за своите синови и за тоа колку е среќен што ги има, но зборува и за тоа како ги воспитува и што учат, имајќи предвид дека може да си дозволи што сакаат.
Имено, една од главните работи што ги учи е редовно да ги извршуваат домашните работи.
„Потекнувам од работничко семејство и роден сум на општински имот. Сè што имам заработив со напорна работа, а истото ќе треба да го прават и моите деца“, рече тој еднаш.
Исто така, тој решил да им остави минимална сума во тестаментот, иако неговото богатство се проценува на 650 милиони долари. Допрва ќе даде голем дел за хуманитарни цели, а неговите синови ќе треба сами да заработат.
"Очигледно, би сакал да им оставам на моите момчиња солидна финансиска ситуација. Но, не сакам да бидат разгалени кога ќе пораснат. Страшно е да им дадеш на децата да јадат од златна лажица. Тоа би им го уништило животот", рекол Елтон Џон.
Неговиот сопруг целосно се согласува со овие методи на воспитување бидејќи нивната единствена цел е синовите да ги почитуваат парите и трудот.