Приказната изгледа јасна и едноставна, но е далеку од тоа, бидејќи осуденикот ништо не украл, пренесува Oddity Central.
Една жена се вратила во својот дом на 16 јули и сфатила дека некој престојувал внатре. Ништо не недостасувало, додека корпата за отпадоци била празна, хранилките за птици се наполнети, а некои саксии во градината биле преместени!
Таа била толку исплашена што отишла да живее со пријател, според извештаите.
„Додека не беше фатен, живеев во состојба на зголемена вознемиреност каква што никогаш порано не сум доживеала. Се плашев дека некој ме демне, дека сум на удар“, вели таа.
Втората кражба се случила на 29 јули во Њупорт, а овој пат сопственикот бил известен преку системот за видео надзор.
Го гледал непознатиот маж како си ги пере алиштата, се почестил со вино, па дури и се туширал. По некое време, насилникот бил уапсен.
Адвокатот на одбраната објаснил дека Демијан В. бил бездомник во моментот на инцидентите и дека му е „жал за непријатностите“ што ги предизвикал.
Тој побарал и од судот да има предвид дека „при двете кражби не повредил никого“, додека 36-годишникот ја признал вината.
На крајот, тој е осуден, бидејќи судот сметал дека претставува „значаен ризик за јавноста“.
