Жител на кинескиот град Јонгканг, извесна госпоѓа Шу, поднела жалба до Општинското здравствено биро по смртта на нејзиниот татко.
Таа тврди дека за еден ден на локалната стоматолошка клиника биле извадени 20 заби и вградени 12 импланти, што, како што наведува во тужбата, 13 дена подоцна му предизвикало прерана смрт.
Ќерката, исто така, тврди дека нејзиниот татко претрпел „подносливи болки“ во последните денови од животот, пред да доживее срцев удар на 28 август, пренесува Oddity Central.
Таа бара одговорните да бидат изведени пред лицето на правдата.
Според писмената согласност на пациентот, на мажот му биле извадени природните заби, по што на вилицата му биле дупнати 12 дупки за импланти.
Претставникот на клиниката каде што е извршена процедурата објаснува дека бројот на заби кои може да се вадат одеднаш го одредува лекарот, врз основа на општата состојба на пациентот.
Не постои посебна регулатива, а клиниката и лекарот мора да ја имаат предвид толеранцијата на болката на пациентот и ризикот од инфекција.
„Колку повеќе заби отстранувате, толку повеќе пациентот реагира на болка и поголема е веројатноста за постоперативна инфекција“, рече Ксијанг Гуолин, директор на Центарот за орална медицина во Вухан.
Истрагата е во тек, но претставник на Општинското биро за здравство изјави дека „докажувањето на вината може да биде тешко“, со оглед на тоа што смртта настапила 13 дена по постапката.
