Актерот Брус Вилис, кој веќе некое време се бори со тешка болест, наводно нема да и остави ништо на поранешната сопруга Деми Мур, а богатството на актерот нема да го добијат ниту нивните ќерки.
Холивудскиот ветеран Брус Вилис и познатата актерка останаа во одлични односи по разводот. Неговата сопруга Ема Хеминг Вилис, поранешната сопруга Деми Мур и петте ќерки кои актерот ги има со нив се обидуваат да му го олеснат секојдневието на Брус и да му го подобрат животот.
Една од првите работи што ги направи Вилис откако дозна дека има афазија - беше исфрлањето на Деми Мур од тестаментот!
Како што пишуваа медиумите на почетокот на 2023 година, откако открија дека боледува од болест која може да влијае на неговото расудување, актерот кој го обожававме во серијата „Умри машки“ и филмот „Петтиот елемент“ реши да го промени овој документ и да не и остави ништо на Деми Мур, со која има три ќерки.
Згора на тоа, Румер, Скаут и Талула, кои Брус Вилис ги доби со Деми, ќе добијат помалку пари од првично планираното, додека најголем дел од богатството на актерот ќе оди кај неговите ќерки Мејбел и Евелин и нивната мајка Ема, втората сопруга на Брус.
– Брус сака неговото младо семејство да биде згрижено – изјавил за „Радар онлајн“ извор близок до холивудската суперѕвезда.
- Тој верува дека Румер, Скаут и Талула веќе го добиле најдоброто од она што тој имал да им го понуди финансиски во текот на нивниот живот.
Наводно, за Деми Мур нема место во тестаментот на Вилис затоа што и самата е исклучително богата жена - според celebritynetworth.com, таа има дури 200 милиони долари на своето име, најмногу благодарение на нејзината актерска и продуцентска работа, иако и недвижниот имот исто така игра голема улога во вкупниот имот.
Нејзините ќерки со Брус Вилис се исто така милионери, па Скаут и Талула имаат по три милиони долари, додека Румер има четири милиони долари.