За чување стада се нуди плата од 70.000 лири месечно или 1.850 евра, но сопствениците на стадото се уште не можат да најдат некој кој би ја прифатил работата, пишуваат турските медиуми.
Платата не е единственото нешто со кое тие се обидуваат да ги привлечат потенцијалните кандидати.
Работодавците на овчарите ги покриваат и трошоците за храна, пијалак, облека и сместување, а за генерацијата Z имаат особено примамлива понуда - месечни интернет пакети од 30 гигабајти за бескрајно лисатње на ТикТок додека се одмора од чувањето на стадото.
И покрај примамливите понуди, поради незаинтересираност, сопствениците на стадата се принудени да ги продаваат животните.
- Никој од нашите млади повеќе не го прави тоа. Во денешно време тоа го прават само средовечните луѓе. Знаеме дека овчарите денес вредат злато, но дојдовме до таква ситуација да може да се најде злато, но не и овчари, рекол сопственик на стадо, човек по име Нуретин Челенк и раскажал што се случило кога човек дошол кај него на интервју за работа.
- Дојде и се однесуваше кон мене како лорд. И, што ќе правиш, ти си беспомошен. Што и да побараат луѓето, ние прифаќаме. Тоа е тешка професија. Работите на планини, на падини, на дожд, на снег. Јас сум овчар од својата петта година. Со оваа професија се занимавам веќе педесет години. А кога имаш половина век работа зад себе, почнуваат да те болат рацете и колената, изјавил Челенк.
