Маск спрема РЕВОЛУЦИОНЕРЕН ПРОНАЈДОК: Наскоро ќе тестира УРЕД СО КОЈ СЛЕПИТЕ ЌЕ МОЖЕ ДА ГЛЕДААТ

Неуралинк, невротехнолошката компанија на Илон Маск, добила ознака за „пробоен уред“ од FDA (Администрацијата за храна и лекови на САД), за својот револуционерен уред - имплантот Blindsight.

Дизајниран да им го врати видот на луѓето кои ги изгубиле двете очи или оптичкиот нерв, Blindsight сега е официјално признат дека има потенцијал значително да го подобри третманот или дијагнозата на сериозни состојби. Ова признание е значаен чекор напред, велат од компанијата, бидејќи го забрзуваат регулаторниот процес и го доближуваат Неуралинк до тестирањата на луѓе.

Blindsight претставува револуционерен напредок во технологијата за интерфејс мозок-компјутер, со потенцијал да се врати не само основната визија, туку и сложената визуелна перцепција. Имплантот работи така што ги заобиколува оштетените оптички нерви и ги пренесува визуелните податоци директно до мозокот.

Сепак, ниту Неуралинк ниту Маск не објавија временска рамка за клинички испитувања. Маск тврди дека Blindsight би можел да им дозволи на слепите од раѓање за прв пат да гледаат, но експертите предупредуваат дека сè уште е рано да се каже колку технологијата ќе биде ефективна во пракса.

Уредот се состои од микроелектроди кои се имплантираат директно во визуелниот кортекс на мозокот. Овие електроди се поврзани со надворешен уред (камера) кој собира визуелни информации од околината.

Оваа информација потоа се претвора во електрични сигнали. Електричните сигнали се пренесуваат до микроелектродите во мозокот, кои потоа ги стимулираат невроните во визуелниот кортекс (делот од церебралниот кортекс на задниот дел од главата одговорен за видот). Оваа стимулација создава визуелни перцепции кај корисникот.

Според податоците се смета дека 43 милиони во светот имаат целосно слепило и околу 300 милиони форма на слепило, воедно се смета дека 2,3 милијарди имаат проблем со видот. 