Ангелите на Викторија по којзнае кој пат приредија неповторливо шоу, особено со враќањето на ѕвездата Адријана Лима, но еден пех на пистата фрли мала сенка на настанот. Имено, манекенката Дауцен Крос се сопна додека одеше по пистата.
Додека се шетала во луксузната и скапа долна облека, под ангелските крилја, потпетицата и се заглавила во подот.
Манекенката се обидела да ја спаси ситуацијата, но одглавувајќи ја потпетицата ја „загубила“ целата сандала, па морала да се наведне и да ја намести.
Публиката ја наградила со аплауз за да ја охрабри, а таа кога се уверила дека се е во најдобар ред, продолжила самоуверено да чекори.
Иако во пресрет и доаѓала колешка која сакала да и помогне, манекенката тоа го направила многу брзо и професионално и продолжила како ништо да не се случило.
Со овој гест Дауцен Крос покажа дека вакви непредвидени работи се случуваат и на пистата и дека секогаш треба да бидете подготвени.
Викторија Сикрет 2024 се врати по 6 години пауза, а на пистата прошетаа некои од најпознатите имиња. Сепак, најголемото изненадување за сите беше манекенката Адријана Лима која се врати во полн сјај од пензија покажувајќи го своето совршено тело на 43 години.
Покрај неа, на пистата прошетаа и други познати манекенки, меѓу кои Тајра Бенкс, Кејт Мос, Ешли Греам, сестрите Џиџи и Бела Хадид и други.
