Пет жени дале ужасни детали, посочувајќи дека Мохамед ал-Фајед ги силувал, пишува Би-би-си. А Дејли мејл објави дека уште 23 жени откриле дека биле жртви на неговото насилство. Поранешниот батлер на принцезата Дајана, Пол Бурел, тврди дека египетскиот милијардер бил опседнат со Лејди Ди и сакал да спие со неа по секоја цена, што кај неа предизвикало гадење. Бурел вели дека денес Дијана би ги поддржала жените кои храбро раскажале што им се случило.
Принцезата Дајана беше свршена со синот на Мохамед ал-Фајед, Доди ал-Фајед, и двајцата загинаа во сообраќајна несреќа во 1997 година во Париз. Се сомнева дека Лејди Ди била бремена.
„Бев во автомобилот кога таа истрча од неговата канцеларија, тресејќи се и ми кажа дека тој и го рекол ова: „Сакам да се омажиш за мојот син затоа што таткото е на прво место во египетската традиција“, изјавил за „Сан“ Пол Бурел, кој беше батлер на принцезата Дајана од 1987 до 1997 година.
Дајана го нарекувала Мохамед ал-Фајед „изрод“, а „Јода“ по ликот од „Војна на ѕвездите“, додал батлерот, кој бил згрозен од тоа што и се случило на принцезата.
Лејди Ди го запознала таткото на Доди во 1986 година на поло натпревар организиран од компанијата Хародс на чие чело бил овој покоен египетски милијардер.
Во 1986 година, Дајана беше во брак со Чарлс. А батлерот нагласил: „Тој ѝ рече: „Ќе имам секс со тебе“, а таа шокирана ме праша: „Можеш ли да замислиш да водиш љубов со Јода?“ Така го нарекуваше.
Мислеше дека тоа е негово право и дека навистина ќе се случи - дека навистина ќе спие со принцезата и тоа постојано и беше на ум, цело време за време на нејзината романса со Доди.
Поранешниот батлер забележува дека Мохамед ал-Фајед ја опсипувал Дајана со скапи подароци што ги испраќал во палатата Кенсингтон, а таа ги враќала тие подароци. Тој и обезбедил и таен влез во продавницата Хародс во Лондон, пишува Дејли мејл.
Дајана започнала врска со Доди откако Ал Фаед ја поканил неа и нејзините синови Вилијам и Хари во неговата куќа со 30 соби во 1997 година. Пред тоа Лејди Ди била на јахтата во сопственост на таткото на Доди.
„Сите бевме концентрирани на Доди и принцезата. Но, навистина татко му ги влечеше конците. Она што тој, пред се, сакаше беше да се поврзе со кралското семејство. Пред тој празник, Фајед купи брод за Доди да биде домаќин. Приватно потроши милиони обидувајќи се да ја придобие, а неговиот син беше само марионета во неговата игра.“