Во текот на минатата и оваа година, поради погрешна дијагноза на Универзитетската болница во Упсала, Шведска, на 33 жени хируршки им била отстранета матката, за што главниот лекар на таа болница денеска изрази длабоко жалење.
Како што <a href="https://omni.se/sjukvardsministern-en-fruktansvard-nyhet/a/ny0A9J">пренесуваат</a> шведските медиуми, група од 33 жени на возраст од 38 до 85 години добиле информација од лекар дека имаат клеточни промени кои му претходат на ракот на матката, по што тој орган бил отстранет, но се покажало дека дијагнозата е погрешна, пренесува шведската национална телевизија.
Во соопштението за медиумите, главниот лекар на болницата, Јохан Лугнегард изјави дека такво нешто не требало да се случи, но се случило, извинувајќи им се на жените кои биле оперирани.
Шведската министерка за здравство, Ако Анкарберг Јохансон, <a href="https://www.lifesciencesweden.se/article/view/1125549/33_kvinnor_i_uppsala_fick_livmodern_bortopererad_i_onodan">изјави</a> дека тоа е „страшна вест“, додавајќи дека е добро што Универзитетската болница сериозно го сфатила инцидентот и презела чекори такво нешто да не се повтори.
Во текот на минатата година, најмалку два слични инциденти се случија во градовите Скараборг и Блекинге.