Кон крајот на мај се случил сериозен инцидент на аеродромот Екатеринбург-Кољцово, кога огромен Ербас А320 го прегазил техничарот Раил Хасанов (21).
Тој го подготвувал леталото за полетување, но пилотот не го забележал и почнал да „таксира“ на пистата. Несреќниот млад човек завршил под предниот трап за слетување.
Хасанов бил пренесен во локалната болница и опериран, а лекарите морале да му ја ампутираат едната нога.
Сега решил да раскаже што се случило кобниот ден на аеродромската писта, пренесува Сан.
„Огромното тркало помина преку ногата и застана. Почувствував како ми пукаат коските. Цело време бев свесен, додека седум минути лежев под авионот“, рекол тој.
Младиот човек објаснува дека изгубил многу крв, и дека раскажал што се случило во брзата помош. Потоа се онесвестил. Тој се освестил пет дена подоцна, бидејќи бил во индуцирана кома.
„Се разбудив и погледнав наоколу. Не личеше на рајот. Ме ставија на одделението за интензивна нега, а мајка ми беше покрај креветот. Не паничев“, додал тој.
Хасанов вели дека знаел оти „нема надеж“ за неговата нога, но дека е среќен што е жив.
По истрагата, за инцидентот е обвинет пилотот на Ербас А320 тежок 78 тони. Поради оваа причина, жртвата добила отштета од 16.000 фунти.
Младиот човек се уште е вработен на истиот аеродром, се подготвува за вградување протеза на ногата и да се врати на работа.
<b>Предупредување! Видеото е со вознемирувачка содржина: </b>
