Гимнастичарката и инфлуенсерка Марија дел Мар Перез Банус од Чиле објави видео како изведува акробации во јапонски храм, а сцената ги налути Јапонците, но и многу корисници на социјалните мрежи.
Во видеото, 25-годишната гимнастичарка, која живее во САД, виси од црвена структура и изведува акробации додека хит песната Cha-Cha Slide свири во позадина.
Гимнастичарката ги изведе своите акробации на таканаречените тории, симболичен премин кој го означува влезот во шинтоистички храм и ја симболизира границата што го дели материјалниот од духовниот.
Поради нејзиниот потег, многумина ја обвинија дека ја навредува јапонската култура, по што таа го избриша видеото. Сепак, видеото се прошири на Х и собра дури 33 милиони прегледи и бројни негативни коментари.
„Ова покажува недостаток на почит кон јапонската религиозна култура и обичаи“, „Се надевам дека никогаш повеќе нема да дојдеш во Јапонија“ и „Странците навистина не знаат ништо. Ако скршат нешто, само ќе побегнат. Посакувам да престанеш“, беа дел од коментарите.
Некој објавил во коментар дел од локалниот кривичен законик според кој секој што јавно понижува светилиште, будистички храм, гробишта или друго место за богослужба се казнува со затвор до шест месеци или парична казна до 100.000 ¥ (613 евра) .
<b>Гимнастичарката се огласи со извинување</b>
По негативните реакции, инфлуенсерката објави видео во кое се извинува и објаснува дека не ја разбира важноста на светилиштето.
"Навистина не размислував за тоа што го правам. Сакам да се извинам илјада пати. Ве молам престанете да ми испраќате пораки и коментари, навистина ми е жал. Се надевам дека можете да разберете, ви благодарам многу", рекла таа.
