Првиот чекор е направен, а вториот може многу повеќе да боли
- по царините на жестоките пијалаци од ЕУ, сега се споменуваат царини за
скапите европски возила.
Европа си поигрува со оган и токму тука автомобилската
индустрија би можела да биде најтешко погодена. Имено, по заострувањето на
трговската размена меѓу Европа и Кина, се отвора можност за натамошна
ескалација.
Додека зголемувањето на царините на жестоките пијалоци од ЕУ
поради нивната нереално ниска продажна цена, која може да им наштети на
домашните производители, беше само мала непријатност, кинеското Министерство за
трговија сега најавува можност за нови и далеку поопасни царини.
Портпаролот на министерството рече дека „Кина ги проучува
мерките како што се зголемување на тарифите за увезените возила со мотори со
голема зафатнина“.
Тој додаде дека земјата „ќе ги преземе сите неопходни мерки
за цврсто да ги заштити легитимните права и интереси на кинеските индустрии и
претпријатија“, пишува Блумберг.
Непотребно е да се каже дека ова може да влијае на
германските и италијанските компании кои нудат луксузни возила со високи
перформанси со традиционални мотори во Кина.
Автомобилите Audi, BMW и Mercedes се исклучително популарни
на кинескиот пазар, а значителен удел во продажбата имаат и егзотичните
брендови како Maserati, Lamborghini и Porsche.
