Поранешниот претседател на Србија, Борис Тадиќ е новиот член на Одборот на директори на компанијата USPACE Technology Group, која се бави со развој на технологии кои би се применувале во вселената, со изградба на сателити и опрема за вселенски истражувања.
Компанијата со седиште и во Дубаи, Обединетите Арапски Емирати и во Хонг Конг, во својот Одбор на директори Тадиќ го вклучи како независен извршен директор. Истовремено, за извршен директор е поставен тунижанецот Мохамед Бен Амор како извршен директор и претседател на одборот, заедно со Сун Фенгјан од Кина.
Во информацијата до јавноста, компанијата соопшти дека причина за изборот е тоа што “новоназначените лица носат долгогодишно искуство во воздушниот сектор, што се очекува да ја зајакне глобалната конкурентност на USPACE и да ја прошири својата мрежа за соработка на глобалниот пазар на воздухопловство“.
„Нивното искуство во воздухопловниот сектор и глобалната визија треба да го олеснат проширувањето на соработката и подобро да ги искористат можностите за развој на глобалниот пазар. Позицијата на независен неизвршен директор подразбира советодавна улога, каде Тадиќ ги прегледува деловните перформанси и дава стратешки насоки, но не учествува во секојдневното управување на организацијата“, се заклучува во соопштението.
Компанијата USPACE е ангажирана на искористување на технологијата и апликативните услуги во вселената за промовирање на одржливиот развој на Земјата и унапредувањето на човечкото општество.
“Нашата цел е да станеме водечки снабдувач на технологија во вселената и глобални апликативни услуги. Сржта на нашиот бизнис развој е производството на сателити, околу кое градиме интегриран комерцијален вселенски екосистем“.
Ова вклучува производство на сателитски компоненти, производство на прецизна електроника, апликации за сателитски податоци, сателитска телеметрија, следење и контрола (TT&C), додека нивната оперативна подружница, ASPACE Satellite Technology Limited (ASPACE), е специјализиран производител на сателити што го таргетира глобалниот комерцијален воздухопловниот пазар.
<b>Кој е Борис Тадиќ?</b>
Дипломирал на Филозофскиот факултет на насоката социјална психологија, на Катедрата за клиничка психологија.
Работел како новинар, клинички психолог, професор по психологија и истражувач во научни проекти на Институтот за психологија.
Бил директор на Центарот за развој на демократија и политички вештини.
Работел на воспоставување регионален систем на политичко образование во Србија, Република Српска, Македонија и Бугарија, како и во самата Демократска партија.
Од 2003 година е предавач по политика и рекламирање на специјалистичките студии на Универзитетот за уметности во Белград.
За време на студиите учествувал во опозициската работа, поради што бил уапсен.
Беше член на Демократската партија од 1990 година. По промените од 5 октомври 2000 година, тој стана министер за телекомуникации во Владата на СРЈ. За претседател на Демократската партија е избран во февруари 2004 година.
Од 11 јули 2004 година ја извршуваше функцијата претседател на Србија. Тој беше реизбран на функцијата претседател на Република Србија во февруари 2008 година. Во март 2012 година распиша вонредни претседателски избори, на кои загуби од Томислав Николиќ.
Тој на 30 јануари 2014 година поднесе оставка како член на ДС поради „несогласување со политиката на актуелното раководство“.
На изборите во март 2014 година беше лидер на листата на Нова демократска партија - Зелените. Во октомври 2014 година, партијата го смени името во Социјалдемократска партија, а Тадиќ беше избран за нејзин претседател.