<span lang="MK" style="mso-ansi-language:MK">Во годишниот
извештај за глобалната распределба на личното богатство (Global Wealth Report
2024), банкарската групација UBS презентираше дел од истражувањето за брзиот
раст на доларските милионери на планетата.</span>
<span lang="MK" style="mso-ansi-language:MK">Во следните пет
години нивниот број дополнително ќе се зголеми, а и покрај очекувањата дека тоа
ќе се случи прво во брзорастечките економии и оние кои зависат пред се од
нивните извори на енергија (гас, нафта), првите десет земји ги вклучуваат и
развиените економии како Јапонија и на Шведска.</span>
<span lang="MK" style="mso-ansi-language:MK">Водечка оваа ранг
листа е Тајван, островска земја во повеќегодишен спор со Кина, за која UBS
очекува да има повеќе од еден милион милионери до 2028 година, со раст од 47
проценти. Најзаслужна за ваквиот развој е големата индустрија за чипови, која
зема нов замав со производството на полупроводници наменети за обработка на
софтвер кој користи вештачка интелигенција, пренесува порталот Бизнис.</span>
<span lang="MK" style="mso-ansi-language:MK">Сепак, најголем
дел од зголемувањето на бројот на милионери во Тајван ќе се случи благодарение
на имиграцијата на богатите странци, според UBS.</span>
<span lang="MK" style="mso-ansi-language:MK">Иако е голема
земја, донекаде е изненадувачки што Турција е позиционирана на второто место.
Земјата на границата на Азија и Европа со години се бори со екстремно висока
инфлација, но по голема веројатност до крајот на 2028 година ќе го зголеми
бројот на милионери за 43 отсто.</span>
<span lang="MK" style="mso-ansi-language:MK">Главна движечка
сила зад овој тренд ќе биде скокот во технолошкиот сектор во земјава. Според
Светскиот економски форум, Турција е дом на шест компании со <span style="mso-spacerun:yes"> </span>стартапи вредни над една милијарда долари –
имено Peak Games, Getir, Dream Games, Hepsiburada, Trendiol и Insider.</span>
<span lang="MK" style="mso-ansi-language:MK">На трето место е
Казахстан, а се верува дека бројот на милионери во таа земја во истиот период
ќе се зголеми за 37 отсто.</span>
<span lang="MK" style="mso-ansi-language:MK">Сепак, листата на
UBS е рангирана според најголем процентен раст, а не по апсолутниот број на
нови милионери. Тука влегуваат во игра големината на пазарот и развојот на
економијата. На пример, Јапонија моментално има 2,8 милиони милионери од
долари, а нивниот број ќе скокне на 3,6 милиони до крајот на 2028 година, така
што напредокот во оваа азиска земја секако вреди да се истакне.</span>
<span lang="MK" style="mso-ansi-language:MK">Од друга страна,
како територии од кои се очекува најголем одлив на милионери се издвојуваат и
две развиени економии – Холандија (-4,0 отсто) и Обединетото Кралство (-17,0
отсто). Покрај рестриктивната даночна политика, како причина се наведува и
неизвесната економска и политичка ситуација, особено за ОК.</span>
<span lang="MK" style="mso-ansi-language:MK">Овие проекции се
совпаѓаат со неодамнешните податоци на консултантската компанија за
„инвестициска миграција“ Henley & Partners, која проценува дека дури 10.000
милионери ќе ја напуштат Велика Британија до крајот на 2024 година.</span>