Забраната за употреба на пластични кеси и пластика за еднократна употреба во Црна Гора стапи на сила, што значи дека сите тенки кеси што се користат при пазарење во продавниците ќе бидат отстранети од употреба.
За непочитување на оваа законска одредба, предвидени се казни, и тоа за физичките лица од 500 до 2.000 евра, а за правните лица од 1.000 до 40.000 евра, објави РТЦГ.
Покрај пластичните кеси, ќе бидат забранети и пластични сламки, како и садови за храна од експандиран полистерин, како и чаши за пиење од истиот материјал.
Претставникот на Министерството за екологија, одржлив развој и развој на северот, Ненад Витомировиќ, рече дека е дозволена употреба на подебели вреќи со рачки, од 50 микрони, „кои се добиваат при носење потешки товари“.
