Интензивно се вооружува Србија која, патем, темелно ги модернизира и сопствените фабрики за оружје. Косово купува од Турција моќни дронови Барјактар, Хрватска вложува веќе над две милијарди евра во набавка на авиони, хеликоптери а сега и ракети со голем домет... секое вакво скапо трупање на оружје не е без причина, а причините кога има многу оружје се страв или намера - за војна.
По пристигнувањето на борбените авиони Рафал, противвоздушниот систем Мистрал и склучувањето договор на дополнителни хеликоптери Блек Хок, продолжува модернизацијата и зајакнувањето на огнената моќ на Хрватската армија.
Јутарњи лист во воените кругови дознава дека фокусот сега е на опремување на копнената армија со нови моќни системи со долг дострел со голема огнена моќ. Според нашите информации, до крајот на оваа година со Соединетите Американски Држави би можело да се потпише договор вреден околу 300 милиони долари за набавка на повеќецевниот ракетен фрлач М142 HIMARS. Тоа е исклучително подвижен артилериски систем земја-земја на тркала. Според достапните информации, преговорите со САД траеле околу две години, а во тек е набавка на целосно нов систем.