Пред 57 години во Југославија одекна веста дека убавица од нашите простори ја освоила титулата една од најубавите на изборот за Мис на светот во Лондон и до ден-денес останува една од најубавите во светот.
Станува збор за Никица Мариновиќ, која во ова натпреварување како прва претставничка на тогашната Социјалистичка Федеративна Република Југославија го освои второто место и стана прва вицешампионка на Индијката Рита Фариа. Од тој момент започнува нејзиниот вртоглав успех.
Случајно се нашла на изборот за мис. Во времето кога се организирал изборот за Мис на Југославија, организацијата ја презел неделникот „Базар“. Но, главниот уредник не бил задоволен од пријавените кандидати и почнал да бара анонимни девојки.
Таа се запознала со Никица Мариновиќ, тогаш малолетна ученичка од економското училиште во Дубровник. Едвај успеала да ги убеди своите конзервативни родители да ја пуштат на натпреварот, а таква била и самата Никица - долго време се воздржувала да не се соблече во дводелен костим за капење.
Попуштила само кога била под влијание на тогашните носители на лиценцата за Мис на светот. Во Лондон ја пречекале како вонземско суштество што ја прелетало „челичната завеса“ - таа беше првата мисица од земјите од социјалистичкиот блок. Наместо очекуваната партизанка - машкоданка во војнички капут и чизми, пред нив блеснала вистинска убавица.
Од тоа време има приказни дека лентата најмногу и се оддалечила затоа што доаѓала од земја од комунистичкиот блок. Останало запишано дека публиката ја дочекала одлуката на жирито со отворено незадоволство: мнозинството верувало дека госпоѓицата Мариновиќ ќе биде победничка.
Се зборувало дека за Индијката е пресудно што била подготвена, доколку победи, веднаш да отпатува во Виетнам, да ги посети американските војници кои таму се бореле против комунистичкиот отпор, а Никица не се осмелила да ја потпише таа точка во договорот.
Никица се преселила во Белград по нејзиниот триумф на изборот за Мис на светот. Таа го одбила познатиот режисер Роберто Роселини кој и понудил улога во неговиот филм. Чувствувала дека не е подготвена за Холивуд.
Нејзиното срце го освоил белградскиот писател и режисер Вук Вучо, со кого го доби синот Ѓорѓе. Тој брак траел неполни пет години, а по разводот таа повторно била опколена од додворувачи.
Убавата дубровчанка по втор пат му го кажала судбоносното „да“ на познатиот режисер Здравко Шотра, кому му го родила синот Марко.
Тој брак траел малку подолго, но љубовта завршила во 1980 година. Никица имала бутик во Кнез Михаилова и многу луѓе доаѓале таму само да ја видат.
И тогаш во еден момент и се изгубила трага. Се зборувало дека се борела со депресија, дека често била во психијатриска болница. Се зборувало дека останала без пари, дека целосно се повлекла и била многу осамена.
Живеела далеку од очите на јавноста, ги прекинала контактите и со најблиските пријатели кои велеле колку ѝ недостига Дубровник, особено за време на војната.
Во ноември 2008 година, таа повторно беше на насловните страници. Никица испила смртоносна доза апчиња за спиење без да остави зад себе проштално писмо, или белешка која би објаснила зошто извршила самоубиство. Таа имаше 61 година.