Претседателот на поранешна Југославија, Јосип Броз Тито, бил угледен гостин во различни земји, а често добивал и бројни подароци. Денес, истите овие подароци се зачувани во Музејот на Југославија во Белград, каде посетителите можат да ја погледнат богатата колекција која вклучува сè, од егзотични уметнички дела до скапоцени рачно изработени предмети.
Но, меѓу многуте подароци, особено се издвојува еден - четири мали камчиња од Месечината, донесени од астронаутите Нил Армстронг и Баз Олдрин. Овие камења, кои дојдоа во рацете на Јосип Броз Тито, денес се дел од музејската колекција во Белград и претставуваат вреден дел од историјата.
Според историчарката Невена Ковачевиќ, која ја сподели оваа приказна на страницата на Инстаграм „Патишта на српската историја“, овие камења се проценети на вредност од неверојатни 500.000 долари, како што утврдила НАСА. Каменчињата ѝ бил дадени на Југославија во 1970 година како посебен подарок од тогашниот претседател на САД, Ричард Никсон.
Тито на тројцата астронаути им го доделил Орденот на југословенската ѕвезда со лента, а тие потоа во отворен автомобил се возеле низ Белград. Посетата предизвикала голема возбуда кај белграѓани кои излегле на улиците да го набљудуваат овој настан.
Заедно со камењата од Месечината, астронаутите го донеле и знамето ФНРЈ кое патувало со нив до Месечината и назад. Ковачевиќ објаснува дека давањето камења и посетата на астронаутите на Југославија - единствената комунистичка земја на нивниот пат - ја одразуваат уникатната позиција на Југославија за време на Студената војна.