Нови информации за мистеријата на нерешениот терористички
напад, кој се случи во Европа далечната 1972 година, беа објаснети во документарен
филм во кој учествуваше шведско-хрватскиот репортер Тончи Перцан, а на кој работеа
новинари од ТВ4 Шведска, пренесе<a href="https://www.index.hr/vijesti/clanak/svedski-dokumentarac-hrvatski-teroristi-srusili-su-jatov-avion-1972/2605289.aspx"> Индекс</a>
Станува збор за инцидентот на летот ЈАТ 367 од Стокхолм за
Белград, кога авионот ненадејно експлодирал во воздух над поранешна
Чехословачка.
Во таа несреќа животот го загубиле 27 лица, а целата
приказна станала светска вест бидејќи меѓу жртвите преживеало едно лице -
стјуардесата Весна Вуловиќ, која паднала од висина од приближно 10.000 метри.
Покрај тоа, весникот добил анонимен повик во кој хрватското
националистичко движење Усташаи ја презеле одговорноста за нападот, но
полицијата и истражителите никогаш не успеале да утврдат кој е всушност
одговорен.
Целата истрага, по повеќе од 50 години, ја презеде Перцан,
кој во соработка со новинарите на шведската ТВ 4 состави мозаик со информации
од архивите, кои покажаа како група луѓе од усташките организации Отпор и ХРБ
(Хрватско револуционерно братство) наводно одржа состанок непосредно пред
експлозијата.
Според извештаите, во архивата на југословенската
безбедносна служба, новинарите откриле претходно тајни досиеја кои ја
потврдуваат поврзаноста меѓу Отпор и ХРБ. Истите лица се обвинети за бомбашкиот
напад на ЈАТ 367.
Според списите, акцијата ја режирал началникот на ХРБ, Јосип
Сениќ. Тие, исто така, покажуваат дека шведските соработници биле одговорни за
собирање средства на патувањето во Австралија, ракување со експлозивот,
изработка на бомбата и други практични аранжмани. Податоците се многу детални и
се засноваат на разузнавачки информации од голем број различни агенти,
документирани во посебни датотеки во архивата.
Набргу по нападот, неколку соработници загинале, а тројца се
живи и денес и дадоа интервју за шведската ТВ4.
Додека тие потврдија дека имало состанок меѓу Отпор и ХРБ со
Сениќ, како и заминувањето на еден од нивните членови во Австралија, двајца
мажи негирале вмешаност, додека третиот тврдел дека не се сеќава.
