ПСЖ заврши голема работа со вчерашниот триумф ма гости кај Салцбург со 0:3. Во спротивно клубот од Париз и тоа како ќе си имаше проблеми со пласманот во плеј – офот во Лигата на Шампионите.
Факт е дека ПСЖ под водство на Луис Енрике оваа есен е далеку од она што се очекуваше. Тимот не е во најдобра форма, па и во Лига 1 не победува така надмоќно како минатите сезони. После се ова веднаш по триумфот кај Салцбург, претседателот на ПСЖ, Насер Ал – Келаифи и официјално ги демантираше гласините дека се спрема отказ за Шпанецот:
“Луис Енрике ќе остане во ПСЖ. Тој е најдобриот тренер во светот. Ние градиме долгорочен проект“ посочи првиот човек на “светците“.
Инаку Луис Енрике има договор со ПСЖ до 2027 година.
