Во авионската несреќа се повредени уште две лица. Еквадорските воздухопловни сили ги идентификуваа жртвите како капетан Дијана Руиз и кадетот Хуан Пачеко, објави Дејли Меил.
Авионот DA20-C1 со две седишта се урна за време на тренинг лет на пешачка патека во градот Ла Либертад.
На видеото од надзорните камери, кое се шири на социјалните мрежи, се гледа како авионот удира во преминот. Во несреќата повредени се и двајца мотоциклисти.
Captain Diana Ruiz, "The Supersonic Woman" in the Ecuadorian skies (Ecuadorian Air Force), lost life in the fatal crash of a Diamond DA 20C1 "Eclipse" aircraft in La Libertad, province of Guayas in Ecuador.
— FL360aero (@fl360aero) November 27, 2024
In 2014, she became the first Ecuadorian woman to board a fighter plane… pic.twitter.com/pszrxwtpxF
По несреќата, луѓето се приближиле до леталото и се обиделе да ги извлечат и спасат пилотите.
Авионот го користеле воздухопловните сили за обука на идните пилоти.
„Институциите во моментов ги спроведуваат сите законски процедури и даваат поддршка на семејствата погодени од непоправливата загуба. Ние стоиме во солидарност со семејствата на нашите колеги“, се вели во соопштението.
Дијана била искусен пилот, а поради нејзините вештини колегите ја нарекувале „Суперсонична жена“. Таа се приклучила на воздухопловните сили во 2007 година кога Еквадор им дозволи на жените да се приклучат во војската.
