Трамп се ЗАКАНИ дека ќе го ДЕПОРТИРА ПРИНЦОТ ХАРИ!

Поранешниот претседател Доналд Трамп сугерираше дека може да се случи да го депортира британскиот принц Хари од САД доколку биде реизбран во ноември и се докаже дека Хари лажел за употребата на дрога во барањето за виза.

Републиканскиот претседателски кандидат во интервју за „GB News“ изјави дека војводата од Сасекс „нема да добие посебни привилегии“ доколку фалсификувал документи.

Секој што аплицира за виза за живеење и работа во Америка мора да одговори со „да“ или „не“ на прашањето: Дали сте или некогаш сте биле наркоман или зависник?

Хари во својата автобиографија „Spare“ призна дека користел дрога, која според американските закони вообичаено би била основа за одбивање на барање за виза, пишува Дејли Мејл.

Тој во книгата вели дека користел кокаин, психоделични печурки и марихуана, што, како што рече, му помогнало да се справи со смртта на неговата мајка, принцезата Дијана.

Во друго интервју, пак, кога пред околу две години Трамп гостуваше во емисијата на Пирс Морган и тогаш жестоко ги распали принцот Хари и неговата сопруга, актерката Меган Маркл.

“Не ја сакам Меган, не сум ја сакал досега, мислам дека го влече кутриот Хари за нос. Тој стана папучар како никој друг, вакво нешто никогаш не сум видел. Тој брак сигурно ќе заврши, и нема да заврши убаво“, рече Трамп и додаде: „Само се прашувам што ќе се случи кога Хари ќе одлучи дека му е преку глава некој да му биде постојан шеф. Или, што ако таа одлучи дека ѝ се допаѓа некој друг повеќе од Хари.“

„Ужасно е што го напуштија кралското семејство, а кога бракот ќе заврши, Хари ќе моли да го примат назад. Мислам дека е голем срам за семејството. Да бев кралицата Елизабета Втора ќе ги одземев сите неговите титули, изјави тогаш Трамп.