Американскиот советник за национална безбедност Џејк Саливан се сретна во Ерусалим со премиерот Бенјамин Нетанјаху и официјални претставници како дел од последниот обид на администрацијата на американскиот претседател Џо Бајден да постигне договор за заложниците и примирје меѓу Израел и Хамас.
На состанокот присуствуваа и други министри и безбедносни претставници, вклучувајќи го и шефот на Шин Бет, Ронен Бар, директорот на Мосад, Дејвид Барнеу и владиниот координатор за заложници, Гал Хирш, објави „Тајмс оф Израел“.
По средбите во Израел, Саливан со поддршка од САД ќе отпатува во Катар и Египет, две арапски земји кои посредуваат меѓу Израел и Хамас.
